O pasado mércores día 25 de xuño, a partir das 16:00 h, celebrouse no IESA Xelmirez II de Santiago de Compostela unha xornada de divulgación sobre proxecto Life + MARGAL ULLA.
A xornada, de dúas horas de duración, estivo orientada a difundir entre a comunidade educativa as actividades deste proxecto orientadas á mellora da calidade dos ríos na bacía do río Ulla para recuperar as poboacións de dúas das especies máis ameazadas que o habitan; o Mexillón de río (Margaritifera margaritifera) e a Toupa de río (Galemys pyrenaicus).
Esta actividade tamén forma parte das actividades de difusión do Mexillón de río como “Molusco do Ano 2014” da Sociedad Española de Malacología.